“Виното и музиката на некој начин се надоврзуваат. Тие ги поврзуваат луѓето, тоа е комуникација,” вели Котецу, кој минатата година беше назначен за амбасадор на Вранецот и основач на Токио Вранец камерниот оркестар.
Иако неговата кариера е главно фокусирана на операта, Котецу е добро познат на македонската публика по своите изведби на традиционални и патриотски македонски песни. Во текот на ковид-пандемијата, македонската песна имала посебно значење за него. “Македонската музика ми го излекува срцето,” признава тој, додавајќи дека создавањето Јутјуб видеа со македонски песни му донело емоционално исполнување и големо задоволство.
Котецу ја истакнува својата голема љубов кон македонските уметници, особено кон Јонче Христовски, Сариевски, Манчевски и Васка Илиева. Неговата врска со македонската култура не е само професионална, туку длабоко лична и емоционална, што го прави амбасадор на македонската музика и вино низ светот.
Иако во интервјуто одби да отпее рефрен од „Македонско девојче“ бидејќи, како што вели, „кога пијам, потоа не пејам“, неговата перфекционистичка природа и посветеност на квалитетот ја потврдуваат посебноста на неговите изведби.
