Вечерва, особено во западните предели, продолжуваат обилните врнежи од дожд, кои локално се проследени и со појава на грмежи и силен западен и југозападен ветер, создавајќи услови за локално силно невреме. Врнежите постепено ќе се прошируваат низ целата територија на Македонија.
Најмногу дожд досега наврналo на Попова Шапка – 55 литри на метар квадратен, додека од градовите највисоки вредности се забележани во Тетово – 31 литар на метар квадратен.
Поради обилните врнежи, се очекуваат и локални поројни поплавувања, особено во западните предели на Македонија.
