Македонската фудбалска репрезентација вечерва игра против Данска во баражот за пласман на Светското првенство 2026. Натпреварот во Копенхаген започнува во 20:45 часот.
Македонија вечерва на стадионот „Паркен“ во Копенхаген ќе се соочи со Данска во полуфиналниот меч од баражот за пласман на Светското првенство 2026.
Ова ќе биде прв натпревар под водство на новиот селектор Гоце Седлоски, кој пред мечот изјави дека тимот е подготвен и мотивиран да изненади.
„Нашата цел е да дојдеме тука, да играме и иако сите мислат дека не сме фаворити, улогата на фаворит ѝ ја оставаме на Данска. Но понекогаш фаворитите не победуваат. Нашата цел е да ја елиминираме Данска“, изјави Седлоски.
Македонија и Данска досега одиграле три меѓусебни натпревари, со по една победа за двете селекции и едно реми.
Победникот од овој дуел ќе се пласира во финалето на баражот, каде ќе игра против подобриот од натпреварот меѓу Чешка и Ирска.
