Мајкрософт се соочува со еден од најголемите безбедносни предизвици во својата историја, откако се утврди дека дури 500 милиони корисници кои можат да преминат на Windows 11, свесно го одбиваат тоа. Дополнителни 500 милиони компјутери користат постари уреди кои воопшто не го поддржуваат новиот систем, што значи дека околу една милијарда компјутери се потенцијално изложени на сериозни сајбер ризици. Досега се сметаше дека бројот на стари уреди кои мора да се заменат е многу помал, но новите процени покажуваат дека проблемот е двојно поголем. Ситуацијата ја влошува и фактот што огромен број корисници едноставно не сакаат да преминат на новиот оперативен систем, иако имаат технички можности.
Експертите се особено загрижени бидејќи многу корисници не го доживуваат преминот на Windows 11 како нешто вредно труд. Стравот од промени, навиките, проблемите со компатибилност и недовербата кон новите верзии доведоа до занемарување на предупредувањата од Мајкрософт и безбедносните експерти дека Windows 10 влегува во последната фаза од својот животен циклус.
Иако Мајкрософт неодамна изненади со одлуката да ја продолжи безбедносната поддршка за Windows 10 до октомври 2026 година – и тоа бесплатно за домашните корисници – дел од експертите сметаат дека со ова проблемот само се прикрива, наместо да се решава. Без јасни податоци за тоа колку компјутери навистина ќе ги добиваат продолжените закрпи, се создава опасен простор во кој милиони системи може да останат незаштитени. Особено загрижувачки е што многу компании сè уште користат големи флоти стари компјутери, за кои во следните години одржувањето на безбедноста ќе биде огромен трошок.
Како што се приближува крајот на поддршката, се чини сè пореално сценариото во кое стотици милиони уреди ќе останат без заштита од нови закани, што отвора врата за масовни сајбер напади невидени досега. Доколку трендот продолжи, до 2026 година светот би можел да се соочи и со криза на дигитален отпад, бидејќи милиони компјутери ќе станат технолошки застарени и потенцијално небезбедни за секојдневна употреба. Дел од корисниците веќе размислуваат за премин на Linux или ChromeOS за да ја избегнат куповината нов хардвер.
Проблемот не е само во поединечните корисници , цели институции, училишта и компании постоеле години врз Windows 10 екосистемот, а замената на хардвер во таков обем бара огромни инвестиции и долга адаптација. Мајкрософт така се најде во ситуација каде голем број корисници го одбиваат Windows 11, старите системи ја губат заштитата, а пазарот не е подготвен за масовна замена на компјутери. Сите показатели укажуваат дека следните две години може да го донесат најтешкиот безбедносен предизвик за Windows екосистемот досега.
