Скопје оваа зима ќе чука во ритамот на Махмут Орхан – турскиот продуцент и диџеј кој со својата уникатна комбинација на хаус, етно и електронски звуци го освои светот. На 26 декември 2025 година, Арена „Борис Трајковски“ ќе се претвори во енергичен електронски универзум под името THE ARENA EXPERIENCE, во организација на Music Rituals.
Настанот започнува во 20:00 часот, а организаторите ветуваат сценографија со светски стандарди, аудио-визуелни ефекти, светлосно шоу и атмосфера што ќе ја надмине секоја претстава за новогодишен настан во регионот.
Махмут Орхан, кој светот го запозна преку хитовите „Feel“ (feat. Sena Şener), „Save Me“, „6 Days“ (feat. Colonel Bagshot) и „Fly Above“, е познат по својата способност да ги спои источните и западните музички влијанија во хипнотички звук што освојува фестивали и срца од Ибиза до Истанбул.
Со повеќе од 1 милијарда стримови и настапи на најголемите фестивали во Европа и Азија, Орхан важи за еден од највлијателните артисти на современата електронска сцена. Неговите сетови се препознатливи по минималистичките дропови и емотивни мелодии што создаваат совршен баланс меѓу клубска енергија и духовен мир.
Ова ќе биде неговиот најголем настап во Македонија досега, а вечерта ќе ја отворат низа познати локални и регионални диџеи. Публиката ќе може да ужива во комплетен аудио-визуелен спектакл, кој ќе ја спои новогодишната магија со пулсот на електронската култура.
