На планинските превои Ѓавато, Плетвар, Стража и во Крушево е забележана густа магла со видливост намалена и до 50 метри, што бара особита претпазливост од возачите.
Од 15 ноември 2025 година е активна законската обврска за задолжително поседување зимска опрема во сите возила, независно од временските услови. Оваа обврска ќе важи до 15 март 2026 година.
Интензитетот на сообраќајот надвор од урбаните средини е умерен, а на граничните премини од македонска страна нема подолги задржувања при влез или излез од државата.
АМСМ апелира возачите да ја прилагодат брзината на условите на патот, да ја почитуваат поставената сигнализација и да управуваат внимателно, особено на делниците каде што постои ризик од одрони. Како критични точки се наведуваат:
– Катланово – Велес
– Маврово – Дебар – Струга
– Виница – Берово
– Кочани – Делчево
Службите потсетуваат дека маглата, влажните коловози и одроните се најчести причини за сообраќајни проблеми во зимски услови, па затоа внимателното возење е клучно за безбедно патување.
