Магаренцето на МакеДокс кое патува веќе петнаесет години и стана препознатливо по своето волшебно самарче, на 10 ти август ќе стигне во Битола во 20.30 часот, пред Офицерскиот дом, како дел од неговата годинешна тура во Битолско и Демирхисарско.
Патувачкото кино на МакеДокс раскажува и забележува приказни, тоа е неговата суштина. Спојува луѓе, енергии, судбини, преплетува исконски и современи приказни.
На културата гледа пошироко од кино сали и помпезни настани. Ги носи на грб филмовите и го полни самарот со прикани до кои ретко се допира, ако не се оди пред коперација, на сретсело, ако не се испие кафе или ракија, со некои добри луѓе.
Патувачкото кино на МакеДокс секоја година посетува нови 8-10 (помали) места и села во различни региони од Македонија. По Битола Магаренцето заминува во Цапари на 4 и 5 септември, 20.00 ч, сретсело, во Буково – 6 и 7 септември, 20.00 ч, сретсело и за крај во Долно Оризари – 8 и 9 септември, 20.00 ч, сретсело.
Првата проекција беше Смилево е во соработка со Зрно-Фестивал на алтернативна фотографија и НУ Смилевски Конрес.
