По неколку месечни шпекулации, Мадона конечно го потврди своето ново издание што ги возбуди фановите ширум светот.
Овој проект претставува ново електронско доживување на нејзината музика и доаѓа како продолжение на нејзините иновативни музички експерименти од доцните 90-ти.
Првиот сингл од албумот, „Skin“, беше објавен уште на 5 јуни, заедно со најавата за изданието.
На 11 јули следуваше и „Gone Gone Gone“, песна која потекнува од сесиите за легендарниот албум Ray of Light (1998), и која сега добива нов живот во електронска форма.
„Veronica Electronica“ носи ремиксирани верзии од различни периоди на кариерата на Мадона, со посебен акцент на нејзината електронска фаза, што беше револуционерна за поп музиката на крајот од 20 век.
Фановите го препознаваат албумот како потенцијално култно продолжение на звукот што го воспостави Ray of Light.
Изданието се објавува преку Warner Records и е достапно на сите стриминг платформи од 25 јули.
Албумот дополнително го зацврстува статусот на Мадона како пионерка што постојано ја реосмислува својата музика и влијание во поп и електронската сцена.
