Следната генерација на MacBook Neo се очекува да донесе A19 Pro чип и зголемена RAM меморија, со што Apple дополнително ќе го зајакне овој модел во својата понуда.
Apple веќе работи на новата генерација на MacBook Neo, а според најновите информации, уредот би можел да добие значајно хардверско унапредување.
Актуелниот модел, претставен на почетокот на годината, користи A18 Pro чип – истиот процесор што се наоѓа во iPhone 16 Pro серијата. Сепак, со најавеното преминување на iPhone 17 Pro кон A19 Pro, компанијата размислува овој чип да го имплементира и во следниот MacBook Neo.
Покрај новиот процесор, се очекува и зголемување на работната меморија. Наместо досегашните 8 GB RAM, новиот модел би можел да доаѓа со 12 GB, што ќе овозможи подобри перформанси при мултитаскинг и понапредни задачи.
Овие промени го позиционираат MacBook Neo поблиску до премиум сегментот, иако уредот и натаму треба да остане достапна опција во рамки на Apple екосистемот.
Сепак, растечката побарувачка за вакви уреди може да претставува предизвик за компанијата, особено во однос на трошоците за производство и профитните маржи.
Иако Apple сè уште официјално не ги потврдил спецификациите, насоката е јасна – MacBook Neo постепено добива се посериозни перформанси и улога во линијата на лаптопи.
