Компанијата М-НАВ денеска информира дека успешно ги заврши преостанатите градежни работи за демонтажа на старата радарска станица на Меѓународниот Аеродром Скопје.
Демонтажата се спроведуваше во услови на магла и намалена видливост, но активностите беа изведени безбедно и без никакво влијание врз динамиката на воздушниот сообраќај.
Со завршувањето на оваа фаза, процесот на отстранување на нефункционалниот радар е комплетиран, што е неопходен чекор за следните активности, поврзани со поставување на нова, модерна радарска опрема на аеродромот.
М-НАВ ја истакнува својата посветеност на безбедноста и непреченото функционирање на воздушниот сообраќај, како и на навремено и стручно извршување на сите планирани задачи.
