По премиерата на Канскиот филмски фестивал во мај 2024 година, „Емилија Перез“ доби признание за својата оригиналност и жанровска разновидност, комбинирајќи елементи на драма, комедија, мјузикл и трилер.
Филмот е апсолутен победник на 37. Европски филмски награди, освојувајќи пет награди, вклучувајќи ги и оние за најдобар филм и режија.
Главната улога ја толкува трансродовата актерка Карла Софија Гаскон, чие маестрално претставување на комплексниот лик на Емилија Перез ѝ донесе бројни пофалби и номинации. Покрај неа, во филмот глумат и Зои Салдана и Селена Гомез, кои исто така се номинирани за престижни награди.
„Емилија Перез“ ќе биде прикажуван во киното Синеплекс во Скопје од 9 јануари 2025 година, нудејќи им на македонските гледачи можност да уживаат во ова филмско остварување кое ги руши границите на идентитетот и љубовта.
