Најавени се нови опасни и силни ветрови во Лос Анџелес, што потенцијално можат да ги загрозат напорите за гаснење на двата шумски пожари кои опустошија целите квартови и доведоа до смрт најмалку 20 лица.
Прогнозите се дека сувите ветрови Санта Ана, со брзина од 80 до 112 километри на час, ќе продолжат да дуваат и ќе траат до среда, соопштија од националната метеоролошка служба, издавајќи црвено предупредување за „особено опасна ситуација”.
Калифорнискиот гувернер Гевин Њусом изјави дека сојузната држава во текот на викендот распоредила пожарникари на најзагрозените подрачја, вклучувајќи ги и оние околу пожарите во Палисејдс и Итон, двата најголеми пожари што избувнаа во Јужна Калифорнија.
Њусом изјави дека оваа огнена стихијаможе да биде најразорната природна катастрофа во американската историја, со оглед на тоа што уништила илјадници домови и довела до евакуација на десетици илјади жители.
Приватната метеоролошка организација AccuWeather проценува дека штетата се движи од 135 до 150 милијарди американски долари.
Враќањетот на силните ветрови се заканува да го наруши тешко постигнатиот напредок на пожарникарските екипи во контролата на пожарите. За време на викендот, пожарникарите на копно и од воздух успеале да го локалоизираат пожарот во Палисејдс додека се приближуваше кон елитниот кварт Брендвуд и напредуваше кон густо населената долина Сан Фернандо на северот.
Пожарот во Итон, на падините на планината источниот дел од Лос Анџелес, зафатил 57 квадратни километри, но пожарникарите успеале да го контролираат 33% од пожарот.
На север од градот, пожарникарите ја контролирале 89% од пожарот во Хурст, а целосно ги контролирале три други пожари кои ја погодиле другите делови на сојузната држава, соопштија од Калифорнискиот уред за шумарство и заштита од пожари.
Од недела попладне, наредби за евакуација се на сила за повеќе од 100.000 лица, што е помалку од претходните 150.000.
Пожарникари од седум сојузни држави, Канада и Мексико веќе пристигнале во областите околу Лос Анџелес за да им помогнат на пожарникарските станици во Калифорнија.
