Архивот на јавни собири објави листа на десетте најголеми собири на отворено во Србија во 2024 година.
Листата изгледа вака:
- Белград, 22 декември – Протест на Славија (100.000 учесници)
- Белград, 10 август – Протест против Рио Тинто на Теразиите (50.000 учесници)
- Нови Сад, 5 ноември – Протест поради рушење на надстрешницата (22.000 учесници)
- Белград, 31 декември – Протест „Нема Нова, за старата сте ни уште должни“ (17.000–18.000 учесници)
- Белград, 12 август – Дочек на олимпијците (14.000–15.000 учесници)
- Лозница, 3 август – Комеморација по повод 29-годишнината од Олуја (9.000 учесници)
- Белград, 11 ноември – Протест „Корупцијата убива“ (8.000–9.000 учесници)
- Белград, 12 декември – Студентска опсада на РТС (8.000 учесници)
- Шабац, 29 јули – Протест против Рио Тинто (7.000–7.500 учесници)
- Нови Сад, 7 август – Протест против Рио Тинто (7.000–7.500 учесници)
Во текот на годината не било забележано други поединечни собири на отворено со повеќе од 7.000 учесници, но кон крајот на годината на повеќе локации во различни градови било присутно повеќе од 15.000 луѓе истовремено, како дел од колективната акција „Застани, Србијо“, се наведува во соопштението.
Се напоменува дека за акцијата „Застани, Србијо“ нема податоци од многу локации на кои е одржана.
Четири собири од оваа листа се одржале надвор од Белград: два во Нови Сад и по еден во Лозница и Шабац.
Пет настани имале над 10.000 учесници, вклучувајќи го и протестот на Славијата на 22 декември, кој е историски собир во поглед на неговата големина.
Осум од собирите биле протести организирани од еколошки движења, групи активисти, студенти или парламентарна опозиција, додека два собири биле свечености организирани од републички или градски власти (дочек на олимпијците и комеморација по повод годишнината од Олуја).
Ова е, како што е наведено, годишната листа која се темели на проценки и сегашни податоци од Архивот на јавни собири.
