„Лили Еберт почина мирно во својот дом опкружена со своето семејство“, објави нејзиниот правнук Дов Форман на својот X профил.
Еберт имала 20 години кога била депортирана од нејзиниот роден град во Унгарија во концентрационен логор.
„Таа претрпе незамислива загуба кога нејзината мајка, помладата сестра и брат, ѝ беа убиени од нацистите во гасните комори, но таа вети дека ќе ја раскаже својата приказна“, рече Форман.
Тој напиша бестселер со својата прабаба, книга со наслов „Ветувањето на Лили“, во која е детално опишан животот што таа го живеела по војната.
По напуштањето на кампот, таа живеела во Швајцарија и Израел пред да се пресели во Велика Британија со сопругот Самуел во 1967 година.
„Со текот на годините, нејзината приказна допре стотици милиони луѓе ширум светот, потсетувајќи нè на издржливоста на човечкиот дух и опасностите од неконтролирана омраза. Таа нè научи на моќта на толеранцијата и верата, важноста да се зборува и треба да се спротивставиме на предрасудите“, рекол нејзиниот правнук.
По повод смртта на Лили Еберт се огласи и британскиот крал Чарлс.
„Горд сум што својот дом го нашла во Обединетото Кралство, каде што продолжи да му кажува на светот за ужасните злосторства на кои била сведок, како траен потсетник за нашата генерација и идните генерации за длабочините на развратот и злото на кое човештвото е способно да падне“, се вели во соопштението на кралското семејство.
