Освен превозот и сместувањето, туристите често ги забораваат дополнителните такси кои се наплаќаат на лице место и кои не секогаш се јасно прикажани при резервацијата.
„Овие такси ја поддржуваат локалната туристичка понуда и заштитата на животната средина, но е важно да бидете информирани за нив однапред“, вели Мелиса Улрих, советничка за патувања.
Стручњаците советуваат секогаш да ги вклучите и овие дополнителни трошоци во вашиот буџет.
Најчести скриени трошоци:
- Услужна такса во ресторани – Во многу земји ова веќе е вклучено во сметката, па бакшишот не е задолжителен.
- Resort fee – Дополнителна такса за користење на хотелските содржини, особено во популарни места како Хаваи, која се плаќа при пристигнување и често не е вклучена во цената при резервација.
- Такси за странски трансакции – Банките и картичките наплаќаат провизии при плаќање во странска валута. Најдобро е да плаќате во локална валута.
- Паркинг – Хотелите може да наплаќаат и до 50 долари по ноќ за паркинг, особено во популарни туристички дестинации.
Патничко осигурување – паметна инвестиција
Иако не е задолжително, патничкото осигурување може да ви биде спас при откажување на патување или други непредвидени проблеми.
„Подобро е да го имате и да не го користите, отколку обратно“, вели советничката Челси Гамбино.
