Лековитите билки и постот имаат моќ да го контролираат шеќерот во крвта: Докторот открива како нашите предци се заштитиле од дијабетес
Нашите предци многу работеле на нивите, се движеле, не јаделе секој ден мрсна храна, а користеле хербални лекови т.е. лековити билки, диви овошја и чаеви направени од сушени листови за контрола на шеќерот во крвта и превенција од дијабетес. Користеле листови од капина, боровинка, црница, коприва, седум, пелена, рузмарин, глуварче, нане, босилек, плод од шипка, цвет од камилица, плод од смрека. Користеле лук, салата од свежи листови од глуварче, дури и овошје и корен од боровинки. Овие растенија го намалуваат покаченото ниво на гликоза, го зајакнуваат имунитетот, го чистат организмот од паразити и вируси и позитивно влијаат на регулацијата на целокупниот метаболизам на гликозата и липидите. Во последните две-три децении нашата храна е значително променета, поради што се промени и нашето здравје.
Денес имаме голем процент на дебели луѓе, а познато е дека не постои здрав дебел човек. Храната што ја јадат луѓето денес, вклучително и децата, е полна со заситени масти и масти од животинско потекло, кои не само што ги оштетуваат крвните садови, туку се нутритивно празни калории, па затоа не му ги обезбедуваат на телото потребните хранливи материи, предизвикуваат постојан глад и оптоварување на телото со масти.
Тоа значи дека нашата храна не променила и нас и нашите навики. Според искуството шестмесечна индивидуално прилагодена медитеранска исхрана има значајно влијание врз индексот на телесна маса, односот на обемот на половината и колковите, намалувањето на инсулинската резистенција, зголемувањето на чувствителност на инсулин, поволен ефект врз липидниот статус, односот на LDL и HDL холестеролот, крвниот притисок, нивото на хомоцистеин, агрегација на тромбоцити и спречување на атеросклероза.
Постот целосно одговара на медитеранската исхрана и затоа со христијанскиот пост можеме да ги спречиме и лекуваме сите споменати хронични заболувања, како и со медитеранската исхрана.
Постот не е и не треба да биде гладување, туку исклучување на животински масти и протеини од јајцата, месото и млечните производи со употреба на изобилство на овошје, зеленчук, житарки, речни и морски риби како и сите видови масла, од кои особено го истакнувам маслиновото масло…
Најновите научни истражувања во светот, покажале дека доколку два пати неделно ги исклучиме протеините и мастите од животинско потекло, имаме поволни ефекти за превенција од бројни болести.
Ваквиот начин на исхрана се нарекува пост, а токму тоа е постот за кој нашиот народ знае со векови и традиционално го практикува во среда и петок. Поради одредени болести и состојби, многу луѓе имаат ослободување од свештенството и можат да постат целиот пост на масло и риба.
Друга важна функција на постот е да го исчисти телото и умот од тешката храна и тешките мисли и да ја зајакне волјата. Со откажување од мрсна и силна храна, ја зајакнуваме волјата и го чистиме умот од деструктивни и лоши мисли. Затоа, важно е да ја зајакнеме нашата волја и да ги постигнеме сите поволни ефекти на овој начин на исхрана во превенција и третман на дебелина, метаболички синдром, дијабетес, срцев удар, мозочен удар, замастен црн дроб, депресија, неплодност и рак.
Намалениот внес на животински протеини го намалува ризикот од рак, како и нивото на хомоцистеин, што придонесува за развој на атеросклероза.
Најдобри резултати се постигнуваат со физичка активност заедно со правилна исхрана. Се препорачува медитеранска исхрана богата со диетални влакна и сложени јаглехидрати од овошје, зеленчук, житарки, мононезаситени масти од маслиново масло, омега-3 полинезаситени масти од морската риба, со намалување на мастите и протеините од животинско потекло. Секојдневната прошетка или брзото одење во траење од најмалку половина час дневно и планираната физичка активност водена од стручно лице поволно влијае на регулирање на метаболизмот и намалување на дебелината, спречување на преддијабетес, дијабетес и придружни болести.
