Според соопштението на Меѓународната организација на криминалистичката полиција, предметите се додадени во базата што содржи повеќе од 57.000 уметнички дела од целиот свет и претставува единствена глобална евиденција заснована на проверени полициски информации.
Интерпол исто така објави специјален постер со цел да ги алармира земјите членки и да помогне во пронаоѓањето на украдените предмети.
Потсетуваме, четворица провалници во неделата околу 9:30 часот наутро упаднале во прочуената Галерија „Аполон“ во музејот Лувр. Со помош на механички скали прикачени на возило, се искачиле до галеријата, го пресекле заштитното стакло и однеле девет предмети со непроценлива културна вредност. Еден од нив — круната на царицата Евгенија, сопруга на Наполеон III — бил пронајден на лице место, а се претпоставува дека провалниците ја испуштиле при бегството.
Извор: Euronews
