Дополнително, филмот беше одликуван и со Специјална награда на жирито на International Festival of Short Fiction Films – Film Front во Нови Сад, што претставува уште едно признание за македонската авторска креативност и современата филмска естетика.
Во образложението на жирито стои:
„Поради сугестивното толкување на ликот на жена во патријархално и бирократизирано општество, преку суптилни глумечки нијанси со кои се постигнува силен емотивен врв – специјално признание се доделува на Сара Сандева за толкувањето на главната женска улога.“
Овој успех претставува уште една потврда за новиот филмски бран што се развива во Македонија – генерација млади автори кои преку храбри теми, современ визуелен јазик и длабоко човечни приказни ја позиционираат македонската кинематографија на европската и светската филмска сцена.
