Еден маж извикал кон монархот:
„Колку долго знаеш за Ендру и Епстин?“
Кралот Чарлс не реагирал на провокацијата и продолжил да им се обраќа на другите присутни.
Принцот Ендру (65) овој месец изјави дека ќе се откаже од титулата војвода од Јорк, откако неговите односи со Епстин повторно станаа тема во британската јавност. Објавувањето на мемоарите на Вирџинија Џуфре, жената што го обвини Ендру за сексуално злоставување додека била тинејџерка, предизвика нов бран негодување.
Џуфре, која во 2022 година постигна вонсудско порамнување со Ендру, се самоуби во април оваа година, што повторно ја отвори дебатата за случајот.
Британската полиција во моментов ги истражува наводите дека принцот Ендру во 2011 година барал од свој полицаец да пронајде компромитирачки информации за Џуфре.
Демонстрантот пред катедралата упатил и дополнителни прашања:
„Дали баравте од полицијата да го прикрие случајот со Ендру? Дали пратениците треба да смеат да расправаат за кралското семејство во парламентот?“
Кралот Чарлс, кој се обидува да го стабилизира угледот на монархијата по низа скандали, ја игнорирал провокацијата и останал смирен, продолжувајќи со обиколката во рамки на официјалната посета.
Извор: N1info.rs
