Веста за смртта на познатиот моден дизајнер Џорџо Армани ја објави модната куќа Армани.
„Во оваа компанија, отсекогаш сме се чувствувале како дел од семејството. Денес, со длабока емоција, ја чувствуваме празнината што ја остави оној што го основал и негувал ова семејство со визија, страст и посветеност, но токму во неговиот дух ние – вработените и членовите на семејството кои отсекогаш сме работеле со г-дин Армани – се обврзуваме да го зачуваме она што тој го изградил и да продолжиме да ја водиме својата компанија во негово име, со почит, одговорност и љубов“, се вели во нивното соопштение.
Минатата година, Џорџо Армани откри за списанието Блумберг што ќе се случи со модниот магнат по неговото заминување, бидејќи модниот дизајнер никогаш немал деца.
Веќе некое време, империјата на Армани е жешка тема во светот на високата мода, а со години Џорџо се спротивставуваше на преземањето од страна на друг конгломерат за да го одржи Армани независен.
„Во моментов не предвидувам преземање од страна на голем луксузен конгломерат. Но, како што реков, не сакам ништо априори да исклучам бидејќи тоа би била „неделовна“ постапка“, изјави тој за списанието Bloomberg во тоа време.
Армани контролираше речиси цел Giorgio Armani SpA, со нето вредност од 6,6 милијарди долари според индексот на милијардери на Bloomberg. Неговата империја, како и Salvatore Ferragamo SpA, Prada SpA, Moncler SpA и Ermenegildo Zegna NV се некои од ретките модни брендови кои остануваат независни и семејни.
Повеќето од луксузните модни брендови ги купи Французинот Бернар Арно, најбогатиот човек во светот. Како контролен акционер на LVMH, тој го стекна своето огромно богатство со собирање на околу 75 брендови, како што се Fendi, Bulgari и други.
„Кога станува збор за наследување, мислам дека најдоброто решение би била група доверливи луѓе кои се блиски до мене и кои јас сум ги избрал“, рече Армани во тоа време, посочувајќи на раководството на фондацијата на неговата компанија“, особено на Лео Дел’Орка.
