Ако не сте од оние подготвуваат риба дома, а сакате да ја јадете во ресторан, треба да бидете внимателни околу една работа. Има ден во неделата кога е подобро да не нарачате риба во ресторан, тврди д-р Дарин Детвилер, поранешен советник за безбедност на храна во американската Администрација за храна и лекови (ФДА) и Министерството за земјоделство на Соединетите држави (УСДА).
Тој тврди дека нарачувањето риба во ресторан во одреден ден од неделата всушност може да го зголеми ризикот од труење со храна. Денот за кој предупредува е понеделник.
„Рибарниците обично се затворени за време на викендите, па рибата што ја јадете можеби седела во фрижидер од петокот, така што постои поголем ризик од труење. Рибата која не е свежа може да претрпи хемиски промени, што доведува до расипување што влијае на нејзиниот вкус, мирис и безбедност“, рече тој.
Тој исто така истакна дека расипаната риба може да содржи високо ниво на хистамин, хемикалија која се ослободува од имунолошкиот систем, а тоа може да доведе до труење кое предизвикува симптоми како што се осип, дијареа, потење, главоболки и повраќање.
Детвилер не е единствениот гурман кој предупредува да не бирате платика или треска во понеделник. Готвачот, ТВ водител и автор, Ентони Бурдејн, исто така, претходно ги предупреди луѓето да не нарачуваат риба на почетокот на неделата.
„Ако готвачот не продаде толку филети колку што очекуваше во текот на викендот, тоа може да значи дека ќе добиете остатоци, што значи дека вашата дневна риба е всушност стара четири дена и е надвор од водата уште подолго, сметајќи кога беше фатен, транспортиран и испорачан“, објасни тој во својата книга Kitchen Confidential.
Извор: index.hr
