Министерката за култура Бисера Костадиновска-Стојчевска денеска присуствува на 42. сесија на Генералната конференција на УНЕСКО во Париз, каде пред отворањето, заедно со премиерот Димитар Ковачевски беа пречекани од генералната директорка на УНЕСКО, Одре Азуле.
![](https://mia.mk/articles/images/%D0%BA%D0%BE%D1%81%D1%82%D0%B0%D0%B4%D0%B8%D0%BD%D0%BE%D0%B2%D1%81%D0%BA%D0%B0%D1%81%D1%82%D0%BE%D1%98%D1%87%D0%B5%D0%B2%D1%81%D0%BA%D0%B0%D1%82%D1%80%D0%B8%D0%B4%D0%B5%D1%86%D0%B5%D0%BD%D0%B8%D0%B8%D0%BC%D0%B0%D0%BA%D0%B5%D0%B4%D0%BE%D0%BD%D1%81%D0%BA%D0%B0%D1%82%D0%B0%D0%BA%D1%83%D0%BB%D1%82%D1%83%D1%80%D0%B0%D0%B5%D0%B0%D0%BA%D1%82%D0%B8%D0%B2%D0%B5%D0%BD%D0%BF%D0%B0%D1%80izQBQ/xgGRyi0Sm/large.webp?use_watermark=0)
На средбата, како што соопшти Министерството за култура, беше истакнато задоволството од досегашните резултати од интензивната соработка на Северна Македонија со Организацијата на Обединетите нации за образование, наука и култура, во годината кога нашата земја ја одбележува 30-годишнината од членството во Организацијата.
Особен акцент, како што се наведува, беше ставен на континуираната и одлична соработка со Центарот за светско наследство и советодавните тела и нивната експертска помош во заштитата на природното и културното наследство на охридскиот регион.
„Од особено значење за соработката на Северна Макeдонија со УНЕСКО е нашиот активен придонес во афирмацијата на политиките и процесите на Светската организација, како и конструктивната соработка со другите држави членки“, посочи министерката Костадиновска- Стојчевска.
![Ковачевски во Париз, УНЕСКО](https://mia.mk/articles/images/%D0%BA%D0%BE%D1%81%D1%82%D0%B0%D0%B4%D0%B8%D0%BD%D0%BE%D0%B2%D1%81%D0%BA%D0%B0%D1%81%D1%82%D0%BE%D1%98%D1%87%D0%B5%D0%B2%D1%81%D0%BA%D0%B0%D1%82%D1%80%D0%B8%D0%B4%D0%B5%D1%86%D0%B5%D0%BD%D0%B8%D0%B8%D0%BC%D0%B0%D0%BA%D0%B5%D0%B4%D0%BE%D0%BD%D1%81%D0%BA%D0%B0%D1%82%D0%B0%D0%BA%D1%83%D0%BB%D1%82%D1%83%D1%80%D0%B0%D0%B5%D0%B0%D0%BA%D1%82%D0%B8%D0%B2%D0%B5%D0%BD%D0%BF%D0%B0%D1%80THloT/aTjnQf3QX/large.webp?use_watermark=0)
Пример за вклученост во иницијативите и активностите на Организацијата се и обновената Катедра за интеркултурни студии и истражување во рамки на Универзитетот „Св. Кирил и Методиј“ – Скопје и новоформираната Катедра за писменоста за иднината и медиумска писменост во рамки на Институтот за комуникациски студии од Скопје, како дел од Мрежата на УНЕСКО на катедри (UNESCO/UNITWIN).
Министерката за култура Костадиновска-Стојчевска утре ќе има обраќање на 42. Генерална конференција на УНЕСКО, каде официјални обраќања ќе имаат и претставниците на државите членки, а се разгледуваат генералните политики на Организацијата.
Извор: mia.mk