Белиот дел не е отпад – може да се јаде!
Тоа бело, крцкаво слојче меѓу зелената кора и црвеното месо на лубеницата всушност се јаде, полно е со вода, растителни влакна и има многу малку природни шеќери. Со текстура потсетува на краставица или тиквичка, а неутралниот вкус го прави идеален и за солени и за благи јадења.
Идеи за искористување на кората од лубеница:
1. Кисел прилог во стил на туршија
Исечете ја кората на стапчиња, излупете го тврдото зелено и оставете го само белиот дел. Ставете го во тегла со оцет, шеќер, зрна бибер и каранфилче. По неколку дена ќе добиете освежителен прилог што одлично оди со скара или сендвичи.
2. Брз „stir-fry“ во тава
Во тава пропржете тенко исечена кора со ѓумбир, лук, соја сос и сусамово масло. Ќе ве изненади вкусот – крцкав, благо-сладок и лесен, сличен на азиски тиквички.
3. Во смути или сок
Ако имате моќен блендер, додадете го белиот дел во смути со диња, лимета и нане. Ќе му даде волумен и свежина без да го смени вкусот.
4. Во колачи или мафини
Како што користите тиквички, така може да ја искористите и кората од лубеница. Само изрендајте ја и додадете ја во тесто за бисквит или мафини – ќе му даде сочност и блага слаткост.
5. Сладок сируп
Варете ја кората со вода, шеќер и лимон – добиениот сируп може да се додава во коктели, минерална вода или да се прелие врз сладолед.
6. Освежителна салата
Изрендајте го белиот дел, додадете лимон, маслиново масло, бибер и сечкан магдонос. Ќе добиете лесна летна салата, слична на салата од целер или краставица.
Извор: Index.hr
