Новоизбраниот претседател Доналд Трамп објави дека ќе го номинира активистот против вакцини Роберт Кенеди Џуниор за нов министер за здравство. Кенеди е адвокат кој изгради лојални следбеници во текот на неколку децении, кои се восхитуваат на неговите тужби против водечките фармацевтски и пестицидни компании. Кенеди користеше дезинформации за безбедноста на вакцините, вклучувајќи ја и сега целосно дискредитираната теорија дека вакцините од детството предизвикуваат аутизам.
Тој исто така рече дека би препорачал да се отстрани флуорот од водата за пиење. Се верува дека овој додаток бил корисен за подобрување на здравјето на забите.
Кенеди е поранешен демократ кој влезе во овогодинешната претседателска трка како независен кандидат, но се откажа во август кога склучи договор со Трамп да го поддржи со ветување дека ќе има улога во здравствената политика на администрацијата на Трамп.Оттогаш, тој и Трамп станаа добри пријатели, а Кенеди често добиваше овации на митинзите на Трамп.
„Американците предолго се задушени од индустрискиот прехранбен комплекс и фармацевтските компании кои се занимаваат со измами, дезинформации кога станува збор за јавното здравје“, напиша Трамп на својот Твитер профил објавувајќи го назначувањето.
Трамп додаде дека Кенеди ќе ја направи „Америка повторно голема и здрава“.
Министерството за здравство и социјална заштита има 80.000 вработени низ државата. Тоа ги вклучува Управата за храна и лекови, Центрите за контрола и превенција на болести, програмите Medicare и Medicaid и Националниот институт за здравје.
