Со огромна чест, Conquering Lion ве поканува на концертна промоција на албумот „One World“, која ќе се одржи во клубот Public Room во Скопје, на 21-ви Март (Сабота), со почеток во 21:00 часот. Влезниците се во претпродажба по цена од 500 денари, достапни само онлајн на Tix.mk.
Conquering Lion е даб/реге/кросовер бенд од Тетово (Македонија), основан на 7-ми Април 2007. Првиот албум „I“излезе во 2009 година преку PMG Recordings и содржеше 10 песни, меѓу кои и соработката со јамајканскиот артист Jah Clarity на песната “Jah Love”. Вториот албум „Know Your Wisdom“ излезе во 2011 година, по што следеше 30-дневна балканска турнеја, а третото издание „Revelation“ (2013) ја зацврсти нивната позиција на европската сцена.
Четвртиот албум „Land Of Confusion“ (2017) беше на листата за преноминации за најдобар реге албум за 2017 на Греми наградите и беше високо оценет на европскиот реге портал Reggaeville. Петтиот албум „Revolution Time“излезе во 2020 година, а помеѓу 2023-2025 година бендот работеше на својот шести студиски албум, кој конечно беше објавен како „One World“ во Октомври 2025 и е достапен во над 200 онлајн музички продавници.
Сите синглови од албумот „One World“, вклучувајќи го “Warning” во соработка со српскиот реге пејач Hornsman Coyote, и претходните хитови, ја одразуваат уникатната мешавина на даб, реге и кросовер звучни елементи кои го карактеризираат бендот.
Conquering Lion има настапувано низ Европа и Балканот, вклучувајќи Германија, Словенија, Хрватска, Босна и Херцеговина, Србија, Бугарија, Грција, Романија, Словачка, Чешка, Холандија, Полска и Косово. Настапите на поголеми фестивали како Riding Higher (Германија), In Music Festival (Хрватска), Spirit of Burgas и Hills of Rock (Бугарија) ја потврдуваат нивната интернационална репутација.
Публиката ќе има можност да ужива во живи изведби на песните од албумот „One World“, да ја почувствува енергијата на бендот и да доживее вистинско музичко искуство. Важно е да се знае дека плаќањето во Public Room се врши исклучиво со платежни картички.
One Love! One Aim! One Destiny!
Jah Ras Tafar I
