На кампусот на Универзитетот во Нови Сад, во недела, 26 октомври, од 17 часот, ќе се одржи голем концерт на слободата и отпорот – настан што го спојува уметничкото изразување и општествениот активизам.
Настанот се одржува во организација на фестивалот „Кампус – Зона на слободата“ и иницијативата „Погласни од цензурата“, кои преку музика и солидарност повикуваат на отпор кон притисоците и заплашувањата на независната културна сцена.
На сцената ќе настапат Eyesburn, Марко Луис, Ритам нереда, Никола Врањковиќ и Канџа Коджа и Небојша – имиња што со својата музика одамна ја надминале границата меѓу сцена и став. Концертот го најавува духот на заедништво и уметничка слобода што ја дефинира новата генерација на независни артисти во Србија.
Влезот е бесплатен, а сите донации собрани тој ден ќе бидат наменети за организација на најголемиот комеморативен собир на 1 ноември, во чест на сите кои се борат за автономија, солидарност и културна независност.
Пораката на организаторите е јасна: „Биди дел од движењето што верува во уметноста, заедништвото и отпорот, бидејќи слободната креативна сцена во Србија не смее да биде избришана.“ На сите обиди за заплашување, забрани и уцени, одговорот останува ист — ќе бидеме сè погласни.
Извор: letonakampusu
