КомшиLOOK е препознаен во категоријата „Враќање на чувството на припадност“, која наградува проекти што повторно ги поврзуваат луѓето со нивната заедница, простор и културна средина. Со овој успех, КомшиLOOK не само што се истакна меѓу десетици апликации од цела Европа, туку доби и можност Македонија да ја добие оваа престижна европска награда.
Граѓаните може да дадат поддршка преку јавен онлајн глас. Гласањето е отворено до 10 јули, а секој глас е од значење.
Процедурата е едноставна:
- Кликнете на опцијата „Vote Now“
- Изберете „I want to participate“
- Внесете ја вашата е-пошта
- Проверете го пристигнатиот мејл и гласајте за КомшиLOOK
Проектот КомшиLOOK претставува пример за тоа како урбаните средини може да се трансформираат преку вклучување на локалната заедница и промовирање на културна и социјална одржливост. Нивната работа досега ги инспирираше жителите повторно да го почувствуваат својот крај како свој дом, со што проектот доби меѓународна видливост и признание.
New European Bauhaus Prize ја афирмира идејата дека убавото, корисното и заедничкото можат да одат рака под рака, создавајќи иднина која е и зелена, и праведна, и инспиративна.
