Во жалбата поднесена до федералниот суд во Менхетен, се наведува дека овој закон ја изложува компанијата на можни тужби и високи казни, доколку не сподели „многу чувствителни и спорни содржини“ кои можеби ѝ пречат на државата, но се заштитени со Првиот амандман на американскиот Устав, пренесува „Ројтерс“.
Во тужбата се потсетува дека законот во Њујорк е сличен на оној во Калифорнија, чие спроведување минатата година делумно го блокираше федерален апелациски суд поради загриженост за слободата на говорот.
Цитирано е и писмо од двајца американски законодавци, автори на законот, кои наведуваат дека компанијата X и лично Маск имаат „загрижувачко досие кога станува збор за модерирање на содржини што го поткопуваат демократскиот поредок во САД“.
