Претходните истражувања покажаа дека некои региони можат да закрепнат кога луѓето ќе престанат да пијат, но не е јасно колку брзо се случува закрепнувањето.
Неколкуте долги студии кои ги истражувале промените во дебелината на кортексот за време на апстиненција се ограничени на првиот месец на трезвеност.
Сепак, степенот на обновување на регионалната дебелина на кортексот за време на долги периоди на апстиненција (на пример, подолги од 6 месеци) е непознат.
Промените во структурата и функцијата на мозокот за време на хронично консумирање алкохол може да го отежнат прекинот на пиењето.
На пример, префронталниот кортекс – област вклучена во планирањето и донесувањето одлуки – може да стане помалку активна, што им отежнува на луѓето кои претерано консумираат алкохол да донесуваат одлуки.
Во студијата учествувале 88 луѓе кои биле подложени на скенирање на мозокот по приближно 1 недела, 1 месец и 7,3 месеци апстиненција, известува Science Alert.
Враќањето на дебелината на кортексот кај субјектите по 7,3 месеци без алкохол било доста распространето.
Овие резултати се многу охрабрувачки и даваат ново разбирање за тоа како мозокот може да ја врати својата функционалност откако луѓето ќе престанат да пијат алкохол.
Авторите исто така истакнуваат дека променливите што не ги земале предвид, како што се генетиката, физичката активност и здравјето на црниот дроб и белите дробови, можеле да влијаат на нивните резултати.
Извор: Н1
