Цената на електричниот автомобил, брзината на полнење на батеријата и патната автономија се најчестите проблеми со кои се соочуваат возачите на електрични автомобили. Меѓутоа, едно од клучните прашања што се поставува е и колку всушност ќе трае батеријата на електричниот автомобил, која е и најскап дел од возилото.
Колку трае батеријата?
Траењето на батеријата зависи од многу фактори. Бидејќи батеријата го чини најголемиот дел од цената на електричниот автомобил, многу потенцијални купувачи стравуваат дека може да изгубат значителна вредност на возилото веќе по неколку години. Сепак, ситуацијата не е толку драматична. Електричните автомобили денес не траат дваесет години како некои традиционални автомобили, но сепак не треба да се стравува дека вредноста на возилото нагло ќе опадне само по истекот на гаранцијата.
Повеќето производители на електрични автомобили даваат гаранција на батеријата од осум години или 160.000 километри. Тоа значи дека во тој период нејзиниот капацитет нема да падне под 70% од декларираниот капацитет. Замена на целата батерија по гаранцијата не е економски исплатлива, но е можна поправка.
Батериите не откажуваат одеднаш, туку губат капацитет постепено, што значи дека ниту автомобилот ќе изгуби на вредност нагло само по истекот на гаранцијата.
Долговечност на батеријата
Според податоци на британската компанија British Volt, модерните батерии се проектираат да траат околу 12 години и да поднесат 1.500 до 2.000 циклуси на полнење и празнење. Во нормални услови, батеријата може да трае повеќе од 300.000 километри, што е околу 15 години ако годишно се поминува 20.000 километри, што е над просечната километража на повеќето возачи на електрични автомобили.
Значи, иако електричните автомобили нема да бидат како половни автомобили со долга историја, инвестирањето во електричен автомобил не е промашување поради батеријата. Во нашите услови, предизвиците повеќе се поврзани со инфраструктурата на полначите отколку со долговечноста на батеријата.
