Германските автопати без ограничувања на брзината често се доживуваат како рај за љубителите на брзината, но во реалноста, брзината не е толку екстремна како што би се очекувало. Просечната брзина на тие деоници е 113,5 км/ч, според податоците на Институтот за германската економија (IW) од Келн.
Иако често се мисли дека тие делови од автопатите се место за возачи кои го притискаат гасот до крај, податоците покажуваат дека само мал процент од возилата возат исклучително брзо. Во текот на истражувањето, кое го следело околу 1,9 милијарди автомобили, 83% од возилата се движеле со брзина помала од 130 км/ч, а само околу еден процент возел побрзо од 160 км/ч.
Интересно е што сообраќајот за време на викендите бил малку побрз отколку за време на работните денови, но дури и при сончеви услови и добра видливост, повеќето возачи избирале брзина помеѓу 100 и 130 км/ч.
Иако постои расправа за можна уредба на ограничувањето на брзината на германските автопати, експертите сметаат дека постојат многу поголеми проблеми во сообраќајот кои бараат итни решенија, како што е инфраструктурната криза.
