Истражувачи од Универзитетот во Мичиген развиа алатка со отворен код што овозможува прецизно мерење на потрошувачката на електрична енергија кај моделите на вештачка интелигенција. Податоците покажуваат драматични разлики – од задача до задача, енергетските потреби може да варираат и до 300 пати.
Алатката, претставена на конференцијата Neural Information Processing Systems (NeurIPS), овозможува споредба на различни AI модели преку јавна онлајн-листа, додека компаниите можат да ја преземат за анализа на сопствени, приватни модели.
46 модели, 7 задачи, илјадници конфигурации
Истражувачите ги анализирале времето и енергијата потребни за: чет-апликации, генерирање видео и слики, решавање сложени проблеми и програмирање.
Тестирањето било спроведено на NVIDIA H100 и B200 графички процесори, со вкупно 1.858 различни конфигурации.
Резултатите откриваат дека дизајнот и начинот на имплементација на моделот имаат огромно влијание врз потрошувачката – прашање кое станува сè поважно во ера на растечка побарувачка за енергија и климатски предизвици.
Тренинг на „мини-мозоци“ во лабораторија
Истражувачите од Универзитетот во Калифорнија научиле лабораториски одгледани мозочни органоиди да решаваат класичен инженерски проблем – балансирање на „обратно нишало“ (cart-pole).
Со примена на учење со поткрепување, перформансите биле подобрени од случајни 4,5% на 46%. Истражувањето, објавено во списанието Cell Reports, отвора нови можности за разбирање на невролошки болести како Алцхајмер, деменција и Паркинсонова болест.
Дронови отпорни на хакерски напади
Во Австралија, истражувачи од Универзитетот од Аделаида развиваат систем за заштита на дронови од сајбер-закани.
Новата архитектура базирана на SD-WAN технологија функционира како „паметен сообраќаен контролер“, овозможувајќи дронот автоматски да се префрла меѓу повеќе комуникациски канали ако некој биде нападнат. Истражувањето е објавено во списанието Computers & Industrial Engineering.
Тест што предвидува долговечност
Научници од Duke Health и University of Minnesota откриле дека малите RNA молекули (piRNA) можат со 86% точност да предвидат дали постаро лице ќе преживее најмалку уште две години.
Студијата, објавена во Aging Cell, покажува дека комбинација од само шест piRNA е подобар предиктор од возраста, холестеролот или физичката активност.
Далечински тест открива дали телефонот е хакиран
Истражувачи од University of Colorado Boulder и National Institute of Standards and Technology развиле метод за идентификација на мобилен уред преку неговиот електромагнетен „отпечаток“.
Методата, објавена во AIP Advances, е точна во повеќе од 95% од случаите и може да открие дали уредот е модифициран или претворен во шпионска алатка.
„Никогаш влажни“ површини што издржуваат до 90°C
Инженери од Rice University развиле нов супер-хидрофобен премаз што одбива вода дури и на температури до 90°C.
Резултатите, објавени во ACS Applied Materials & Interfaces, покажуваат дека топли течности оставаат помалку од 1% остатоци – во споредба со повеќе од 30% кај класичните премази.
Уво испечатено од живи клетки
По првото 3D-испечатење уво во 2016 година на ETH Zurich, научниците сега создадоа еластична ’рскавица со механички својства блиски до природното ткиво.
Студијата е објавена во Advanced Functional Materials.
Суперсилни мембрани за чиста енергија
Хемичари од University of Queensland развиле ултратенки мембрани што се двојно поцврсти од конвенционалните, а можат да се свиткаат 100.000 пати без оштетување.
Истражувањето е објавено во Nature Synthesis.
Технологијата забрзува – но по која цена?
Новата алатка за мерење на енергетската потрошувачка на AI моделите отвора клучно прашање: колку нè чини технолошкиот напредок?
Додека вештачката интелигенција станува сè помоќна, истражувачите предупредуваат дека транспарентноста во потрошувачката на енергија ќе биде клучна за одржлива иднина.
