Откако Nvidia во октомври оваа година стана првата компанија во светот вредна 5 билиони американски долари, инвеститорите се прашуваат кој технолошки гигант следен ќе ја достигне оваа пресвртница.
Според историските трендови на раст, BestBrokers.com направи проценка кога различни компании би можеле да достигнат пазарна капитализација од 5 билиони долари.
Анализата на BestBrokers.com се темели на просечната стапка на раст на секоја компанија во последните три години.
Според оваа анализа, Microsoft и Alphabet би можеле да ја достигнат вредноста од 5 билиони долари некаде во втората половина од 2026 година, додека други, меѓу кои Apple и Meta, би можеле да го достигнат тој праг во 2027 година.
Се очекува Microsoft да биде следната компанија што ќе достигне 5 билиони долари, доколку продолжи со својата просечна тригодишна стапка на раст од 32%. Иако Microsoft поголемиот дел од приходите ги остварува од cloud-услуги, други сегменти – како гејмингот – растат со импресивно темпо.
Alphabet, кој има просечна годишна стапка на раст од 43% во последните три години, би можел брзо да го следи истиот тренд. Водечкиот огласувачки бизнис на Google продолжува да генерира огромни приходи, овозможувајќи ѝ на компанијата да инвестира милијарди во иницијативи поврзани со вештачката интелигенција.
Акциите на Alphabet дополнително пораснаа откако Berkshire Hathaway откри дека има удел од 4.9 милијарди долари во компанијата.
