Докторката Пуджа Гидвани, интернист и експерт за дебелина од Лос Анџелес, предупредува: „Време е сериозно да го преиспитаме изборот на шишиња што ги користиме секојдневно – дури и оние кои се сметаат за најздрави.“
Истражувањата покажуваат дека самата вода можеби не е проблем – туку садот во кој се наоѓа. Еве што треба да знаете:
Шишиња што треба да ги избегнувате:
- Пластични шишиња (особено од PET пластика) – испуштаат микропластика и хемикалии како антимон, особено ако се изложени на топлина. Избегнувајте повторна употреба и чување на сонце.
- Шишиња од стакло со декоративни бои или метални капачиња – новите студии покажуваат дека овие шишиња можат да ослободат микропластика и хемикалии преку логотипите или при триење.
- Алуминиумски шишиња и лименки – често имаат внатрешен слој со BPA (штетна хемикалија), кој се распаѓа при загревање.
- Картонски пакувања – иако изгледаат еколошки, содржат слоеви пластика и алуминиум и не се препорачуваат за повторна употреба.
Најбезбедна опција:
- Шише од не’рѓосувачки челик – целосно метално, без пластични делови, е најдобриот избор. Отпорно е на бактерии, не испушта токсини и може да трае со години. Идеално е и капачето да биде од ист материјал.
Правилна грижа е клучна
Без редовно миење, секоја флаша – без разлика од каков материјал е – може да стане легло за бактерии и мувла. Најбезбедно е:
- Да ја миете флашата секојдневно со топла вода (околу 50°C),
- Да ги расклопите сите делови (капаци, сламки, гуми),
- Да ја сушите добро пред повторна употреба,
- Да избегнувате топли или кисели пијалаци ако флашата не е наменета за тоа.
Кога да ја замените флашата?
- Пластични шишиња: на секои 3–6 месеци
- Стаклени и метални: може да траат долго, но со редовна замена на делови
Изберете мудро и грижете се за своето здравје – шишето од кое пиете може да има многу поголемо влијание отколку што мислите.
