Лекарите открија како да го спречат и лекуваат оштетувањето на слухот и ушите воопшто.
„Не можеме да го вратиме часовникот назад, но можеме да ги заштитиме нашите уши од прекумерна бучава што може да го забрза губењето на слухот. Ако знаете дека долго време ќе бидете околу многу гласна музика, како во музичка сала, треба да ги заштитите ушите“, изјави за New York Post д-р Даниел Џејтанамест, вонреден професор по отоларингологија.
Иако многу луѓе не би помислиле да носат чепчиња за уши на концерт или спортски настан, експертите се согласуваат дека е корисно да ги имате при рака за да спречите оштетување.
Д-р Бредли Б. Блок, отоларинголог, рече дека никогаш не лета кога се чувствува настинато и затнато. Тој препорачува да се користат деконгестиви за да се подобри функцијата на носот доколку летањето е неизбежно.
Лекарот, исто така, ги охрабрува пациентите да купуваат тампони за уши кога патуваат, особено со авион, за да му помогнат на увото да се прилагоди на промените во воздушниот притисок.
„Бројни студии го поврзуваат нетретираното губење на слухот со поголем ризик од депресија, анксиозност и социјална изолација“, вели отоларингологот д-р Срикант Черукури.
Без разлика дали доживувате постепено губење на слухот или ненадејна промена, важно е да побарате лекарска помош бидејќи губењето на слухот обично е невидлива болест.
Д-р Роберт Саталоф, професор и шеф на отоларингологија на Медицинскиот универзитетски колеџ Дрекел, рече дека слушалките предизвикуваат проблеми со слухот откако е измислен Walkman.
„Некои од поновите уреди можат да го ограничат звукот, така што не можат да го оштетат вашиот слух. Меѓутоа, ако слушате музика преку слушалки и музиката е доволно гласна за личноста до вас да знае што слушате, тоа е потенцијално опасно“, објасни тој.
Д-р Блок објаснува дека не треба да се чистат ушите, бидејќи отстранувањето на тој заштитен восок може да доведе до инфекција на увото.
„Ушите сами се чистат. Телото има систем за правење восок и негово исфрлање, а восокот обично нема да се акумулира ако го оставите. Целта на восокот е да ги заштити ушите од вода, така што неговото отстранување ќе ги направи ушите ранливи на оштетување“, додаде тој.
Д-р Тоња Л. Фармер рече дека стапчињата не се направени за чистење на ушите бидејќи тие само го туркаат восокот подлабоко во ушниот канал. Стапчињата можат да го оштетат и ушниот канал и тапанчето.
Извор: Нет.хр
