Државите не постојат од секогаш, тие се формирале низ времето. Прашањето кои се најстари изгледа едноставно, но одговорот не е како што изгледа.
Од географска перспектива, Египет е најстарата земја на светот. Таа ги има најдолгите постоечки граници кои во минатото се менувале само незначително. Територијата на Египет отсекогаш била заснована на текот на реката Нил, пишува Феникс Магазин.
Најстари земји според цивилизацискиот развој
Древната цивилизација на Египќаните настала е пред четири милениуми, пред раѓањето на Христа. Сепак, бидејќи во Египет во 2013 година се случи воен удар, некои луѓе од тогаш го сметаат Египет не за најстарата, туку за една од најмладите земји на светот.Тоа не е точно, но за националните држави, датумот на усвојување на уставот на земјата се смета за раѓање на државата.
Ако се погледне цивилното население и неговиот развој, Египет исто така е една од најстарите земји на светот. Историскиот развој започнал уште 3.100 години пред Христа, што ги прави Египќаните едни од најстарите народи на светот.
Сепак, Кина е малку постара, бидејќи развојот на Кина датира уште од 21. век пред новата ера.
Најстара држава по устав
Ако датумот на донесување на уставот се смета за основа за определување на староста на државата, тогаш по овој критериум Сан Марино е најстарата држава на светот. Сан Марино е основан 301. година, а неговиот устав е напишан во 1600. година. Сан Марино не е официјален дел од ЕУ, но е опкружен со Италија и го користи италијанскиот како национален јазик. Во оваа држава еврото е официјална валута. Не само што се смета за најстарата земја на светот по овој критериум, туку е и петта најмала меѓународно призната држава.
Топ 5 најстари земји според староста на донесувањето на уставот
Според критериумот на донесување на уставот, Сан Марино е апсолутен лидер како најстара држава на светот.
По овој критериум, Соединетите Американски Држави (САД) се втора најстара држава, која постои од 1787. година.
Следните земји според староста на уставот се: Велика Британија со уставот од 1801. година, Финска со уставот од 1809. година и Норвешка со уставот од 1814. година.
Од геолошка перспектива, најстарата држава на светот е Австралија, чии континенти постојат милијарди години и речиси не се промениле од тогаш.
