Меѓу овие фактори, покрај бројот на ЛГБТК+ барови и настани, се и важни прашања за безбедноста, процентот на сингл луѓе и високото ниво на антидискриминација, пишува Euronews.com.
Германската престолнина го води патот благодарение на 14 ЛГБТК+ барови наведени на TripAdvisor, од кои многу се наоѓаат во берлинскиот кварт Шенеберг, познат во ЛГБТК+ заедницата. Берлин нуди и 15 годишни настани и фестивали посветени на оваа заедница, што дополнително ја потврдува популарноста како дестинација за ЛГБТК+ туризмот.
Амстердам го зазема второто место. Холандскиот град влезе во историјата во 2001 година кога стана првиот град во светот кој ги легализираше истополовите бракови. Денес, Амстердам има 16 ЛГБТК+ барови и енергична социјална сцена, а над 38% од населението е сингл, што создава одлични можности за запознавање. Сепак, во однос на безбедноста и антидискриминацијата, Хелсинки е најдобриот град. Финскиот главен град доби максимална оцена за антидискриминација (100), заедно со висока оценка за безбедност (75,4).
Две португалски дестинации, Лисабон и Порто, исто така постигнаа максимални 100 поени во категоријата против дискриминација. Обединетото Кралство исто така има два града во првите десет: Лондон и Манчестер.
На самото дно на рангирањето за топ 40 градови се наоѓаат Неапол во Италија и Лимасол на Кипар. Сепак, според податоците од ЛГБТК+ платформата Equaldex, Кипар е една од европските земји што постигна значителен напредок во законодавството поврзано со правата на ЛГБТК+ заедницата, и покрај генерално конзервативното јавно мислење.
Од нашиот регион на листата највисоко е рангиран Загреб кој е на 22. место како најпривлечен град за ЛГБТК+ заедницата, пред Крит во Грција. Белград е на 28. позиција, а на листата се среќаваат и Патрас, Атина и Солун во Грција.
