Неколку милијардери доселеници ги започнале свои кариери во САД благодарение на визата осмислена за привлекување високо квалификувани таленти. Денес, некои од најголемите технолошки компании, поддржувани од милијардери, се меѓу најчестите корисници на овие H-1B визи.
Џеф Скол, канадски инженер кој бил првиот постојан вработен и прв претседател на компанијата eBay, верувал дека неговата иднина во САД ќе биде сигурна кон крајот на 90-те години. Поминал три години на чело на тогаш младата гигантска компанија за електронска трговија, креирајќи го нејзиниот бизнис план. Тој ја водел компанијата додека не пораснала на 3.000 вработени, пред да излезе на берза во 1998 година. Но бил збунет кога во 1999 година неговото барање за обнова на H-1B визата, која овозможува странци со посебни вештини да работат легално во САД, било одбиено.
„H-1B виза беше клучна за мене“, изјавил Скол за Forbes. „Во спротивно, ќе мораше да ја напуштам земјата, а не можам да кажам дека eBay ќе преживееше во тие рани години“. Финансиски, Скол би бил во ред. Само една година по излегувањето на eBay на берза, станал милијардер благодарение на сопственоста на акции.
Одлучен да го задржи своето место во eBay, Скол се обратил до тогашната сенаторка од Калифорнија, Дајан Фајнштајн и тогашниот потпретседател Ал Гор за помош. Благодарение на препораката на Стив Вестли, влијателен раководител и демократски донатор во eBay, Скол успешно добил друг вид на виза, O-1 – за имигранти со „извонредни способности“ во бизнисот и други области. Подоцна, во 2007 година, добил зелена карта и конечно станал државјанин на САД.
Многу од најпознатите и најдинамични технолошки компании ги водат работодавачи со H-1B визи. Меѓу нив се Amazon на Џеф Безос, Microsoft на Бил Гејтс, Meta на Марк Цукерберг и Google на Ларри Пејџ. Тоа се податоци на Американската служба за државјанство и имиграција, која е дел од Министерството за внатрешна безбедност на САД.
„Тоа е повеќе од имиграциска политика“, изјавил неодамна за Forbes милијардерот во биотехнологијата и сопственик на LA Times, Патрик Сун-Шионг. Овој јужноафрикански имигрант дошол во Лос Анџелес во 1980 година како специјализант по хирургија и вели дека ваквите визи се „жив доказ дека американскиот сон е реален“.
Илон Маск, денес најпознатиот имигрант во САД, исто така е голем поддржувач на H-1B визата. Неговата компанија за електрични автомобили, Tesla, сега е меѓу 25-те најголеми американски работодавачи кои користат оваа виза.
„Причината зошто сум во Америка, заедно со многу клучни луѓе кои изградиле SpaceX, Tesla и стотици други компании кои ја зајакнаа Америка, е H-1B виза“, напишал Маск на платформата X во декември.
Што е H-1B виза?
H-1B виза, која е воведена во 1990 година, е создадена е за да поттикне доаѓање на талентирани работници како научници, инженери и едукатори во САД. Оваа привремена виза трае до три години и може да се обнови. Таа брзо стана популарна алатка за вработување во Силиконската долина. Преку годините, бројот на доделени визи – кои се добиваат преку лотарија – варирал од 48.600 во 1992 година до 163.600 во 2001 година. Од 2006 година, годишниот лимит е поставен на 85.000 визи – од кои 20.000 се резервирани за странски работници со магистерска или докторска диплома од американски универзитети.
Според процените на Forbes, околу 12% од американските милијардери се имигранти. Но, само неколку од нив на почетокот на својата кариера лично имале корист од H-1B виза. Еве неколку од нив:
Џеф Скол
Земја на раѓање: Канада .Нето вредност: 5,2 милијарди долари
По студиите по електротехника на Универзитетот во Торонто, Скол се преселил на бизнис школата на Универзитетот Стенфорд за да стекне MBA диплома. Тука го запознал основачот на eBay, Пјера Омидјара, кој го вработил како претседател на стартапот 1995 година. Скол првично работел во eBay со J-1 студентска виза 18 месеци пред да добие H-1B визу. Тој сѐ уште го поддржува овој програм: „Американските школи едноставно не образуваат доволно луѓе за да ги пополнат потребите за овие позиции“, вели тој.
Ерик Жуан
Земја на раѓање: Кина. Нето вредност: 5 милијарди долари
Основачот и извршен директор на сега сеопфатната компанија за видео конференции Zoom, Жуан се соочил со осум одбиени барања за виза пред конечно да ја добие H-1B визата во 1997 година за да работи во Силиконската долина, во стартапот WebEx. „Си реков: Ќе работам сѐ што можам додека не ми кажат дека никогаш повеќе не можам да дојдам тука’“, раскажал Жуан за Forbes во 2019. година. Тој поминал 14 години работeјќи во WebEx и потоа во Cisco (кој го купи WebEx 2007. година). Подоцна основал конкурентна компанија Zoom, со седиште во Сан Хозе, Калифорнија. Неговата компанија стана исклучително популарна за време на пандемијата на COVID-19.
Раджив Џејн
Земја на раѓање: Индија. Нето вредност: 4,9 милијарди долари
По потекло од Индија, Џејн се преселил во САД за да стекне MBA диплома на Универзитетот во Мајами почетокот на 90-те, пред да добие H-1B виза. Од 1994. година поминал повеќе од две децении работeјќи во швајцарската компанија Vontobel Asset Management, главно во Форт Лодердејл, Флорида. Таму станал сопственик и извршен директор 2014 година. Заедно со бизнис партнерот Тим Карвер, 2016 година ја основал фирмата за управување со имот GQG Partners. Компанијата излезе на Австралиската берза 2021 година и сега управува со имот вреден 153 милијарди долари. Џејн е претседател и главен инвестиционен директор.
Џејшри Улал
Земја на раѓање: Велика Британија. Нето вредност: 4,7 милијарди долари
Родена во Лондон, Улал пораснала во Њу Делхи во Индија, а потоа се преселила во САД. Таму стекнала инженерска диплома на Државниот универзитет во Сан Франциско и на Универзитетот во Санта Клара. Работела во полупроводнички компании Fairchild Semiconductor и Advanced Micro Devices во Силиконската долина. Нејзиниот претставник потврдил дека добила H-1B визу, но не открил за која позиција. Во 1992 година се приклучила на стартапот Crescendo Communications, кој следната година го купил Cisco Systems. Улал поминала 15 години напредувајќи во Cisco. Од 2008. година е извршен директор на компанијата за компјутерски мрежи Arista Networks.
Тјери Круан
Земја на раѓање: Франција. Нето вредност: 1,1 милијарда долари
По добивањето на докторат по компјутерски науки во Франција 1992. година, Круан ја започнал својата кариера во САД работeјќи за Oracle. Таму на крајот го водел тимот за оптимизација, подобрувајќи ги вообичаените бизнис процеси. Круан ја основал својата компанија Veeva Systems во 2007 година, која нуди софтверски решенија за фармацевтски и биотехнолошки компании.
Извор Forbs
