Несомнено е дека бананите се здраво овошје кога се консумираат во умерени количини. Тие се богати со јаглехидрати, диетални влакна, витамини Ц и Б6, калиум, магнезиум и антиоксиданси.
Иако не е препорачливо да ги јадете за појадок бидејќи брзо ќе предизвикаат замор и глад, тие се одличен оброк кој можеме да го јадеме пред тренинг. Ако се прашувате кои банани да ги изберете – зелени или зрели, нутриционистот Павел Исанбаев има неколку совети.
Зрелите банани имаат послатка и помека текстура од незрелите, поради што полесно се вари за луѓето со чувствително варење.
Зелените или незрели банани содржат поотпорен скроб кој има лековито дејство врз цревата и микрофлората. Исто така, го намалува нивото на холестерол, ја подобрува чувствителноста на инсулин и помага да се намали ризикот од рак на дебелото црево.
„Зелените банани содржат помалку шеќер и се погодни за луѓе со високо ниво на гликоза во крвта и дијабетес. Незрелото овошје има пробиотски својства кои ја подобруваат состојбата на цревниот микробиом”, додал нутриционистот.
Имајте на ум дека една банана содржи околу 15 грама шеќер. Ако имате висок шеќер, изберете незрело овошје.
Фото: pexels
