Магнезиумот ги „поддржува“ мускулите, одговорен е за работата на срцето, го подобрува сонот и менталното здравје. Важна е дозата, како и времето на внесување – доколку го конзумираме како додаток во исхраната.
Извори на магнезиум во храната се, на пример: бадеми, индиски ореви, банани, тофу, грашок, брокула, лен и семки од тиква, сусам и сончоглед, а го има и во компирот, дури и во чоколадото…
Најбрзиот начин да се забележи недостаток на магнезиум е кога чувствуваме грчеви во мускулите, слабост и замор.
Магнезиумот придонесува за подобар метаболизам, и ја спречува остеопорозата, односно ја одржува густината на коските. Магнезиумот, исто така, помага во регулирање на нивото на шеќер во крвта, што е особено важно за луѓето со или оние кои се склони кон дијабетес.
Важен е и за крвниот притисок, го одржува протокот на артериите, а споменатиот минерал помага и при несоница и нарушување на сонот.
Дури и предменструалниот синдром може полесно да се надмине со него бидејќи може да ги намали грчевите, надуеноста, промените на расположението…
Не постои универзално правило кога треба да се зема магнезиумот како додаток. Многу зависи од причината зошто го пиеме на прво место. На пример, ако нашата цел е да го подобриме сонот и да се опуштиме, тогаш идеалното време е пред спиење.
Ако, пак, навечер патиме од грчеви во мускулите, вечерта е исто така вистинско време за дополнување со магнезиум.
Меѓутоа, ако сакаме да имаме енергија во текот на денот, мускули без болки и добро варење, подобро е да го земаме наутро. Не е погрешно дури и да ја поделите дозата на две помали, па затоа пијте магнезиум наутро и навечер.
Извор: Cleavland Clinic
