Исланд, познат по своите вулкани и топли извори, повторно ја освои титулата најмирна земја во светот според Глобалниот индекс на мирот. Овој индекс, кој го објавува Институтот за економија и мир (IEP), ги рангира 163 независни држави и територии според критериуми како што се општата социјална безбедност, обемот на домашни и меѓународни конфликти и степенот на милитаризација.
Покрај првото место во мирот, Исланд е трета најсреќна земја во светот според World Happiness Report и е едно од најпосакуваните туристички одредишта на северната хемисфера.
Како стојат другите земји?
Од основањето на индексот во 2008 година, просечната оценка за мирот во светот се влошила за 5,4%, додека јазот помеѓу најмирните и најнемирните земји се зголемил за 11,7%. Русија првпат е рангирана како најнемирна земја, веднаш зад неа е Украина.
САД се на ниското 128. место на листата, под Хондурас, Бангладеш и Уганда, што главно се припишува на високата милитаризација. Најмилитаризирани се и Северна Кореја (149.), Израел (155.), Украина (162.) и Русија (163.).
Франција е најмилитаризираната земја во Западна и Централна Европа, додека Јужна Америка е единствената регија со подобрување во мирот, особено во Перу и Аргентина. Канада и Костарика се најмирни во Северна и Централна Америка. Во Африка, најмирни се Маврициус, Боцвана и Намибија.
Македонија и соседите
Хрватска е рангирана на 19. место, за едно место понизок од претходната година. Таа е под Словенија (9.) и Унгарија (17.), но пред Црна Гора (34.), Италија (33.), Босна и Херцеговина (59.) и Србија (64.).Македонија е рангирана само едно место пред Албанија, која е на 52-ро место. Меѓу земјите од Западен Балкан, Северна Македонија е највисоко рангирана.
