Дали знаевте дека дури и минливото запознавање секогаш остава трага? Верувале или не, ни требаат само 10 минути за да сфатиме дали ќе продолжиме со комуникацијата со личноста со која се запознаваме за прв пат или не.
Каков е вашиот статус
Научниците спровеле експеримент во кој на луѓето им биле понудени фотографии од непознати луѓе и барале да кажат нешто за таа личност. Првото нешто на што обратиле внимание повеќе од половина од испитаниците е социјалниот статус и приближното ниво на заработка.
Дали сте личност од доверба
За да процени колку може да ви се верува, соговорникот троши малку повеќе време – околу три минути. Сепак, вреди да се напомене дека на првиот состанок е особено тешко да се формира вистинско мислење за некоја личност, а сепак важно е да се запамети дека довербата е еден од најважните елементи врз основа на кој другите одлучуваат дали ќе нè пуштат во кругот на пријатели или не.
Дали ќе бидете пријатели или не?
Не е секогаш можно од првиот разговор да се разбере какво место ќе заземе една личност во нашиот живот. Притоа, секогаш го оценувате соговорникот како се вклопува во вашиот круг на пријатели, дури и ако првично сте се сретнале на работа или во друга официјална прилика. „Хемијата на пријателството“ започнува во првите неколку минути. По правило, колку човек е поотворен, толку побрзо се поврзува со другите.
Дали сте агресивни?
Ова е важен момент, особено кога станува збор за жените. Доколку мажот употреби какви било знаци на агресија во разговорот, жените признаваат дека не им е лесно да продолжат да комуницираат со личност која би можела во одреден момент да „експлодира“. Луѓето со специфични изрази на лицето и видно однесување можат да остават впечаток дека е подобро да се држите настрана од нив.
Извор: mondo.rs
