На некои луѓе не им треба причина да пијат чај, бидејќи тој е дел од нивната секојдневна рутина, особено за време на малку постудено време, но чајот има и корисни својства во текот на сезоната на вирусни и бактериски инфекции. На пример воспаленото грло не е необична појава, а еден чај е вистинското решение за негово отстранување.
Наместо да посегнете по еден куп лекови, запознајте се со благотворното дејство на белиот слез, (лат. Althaea officinalis), повеќегодишно растение од семејството на бел слез кое може да порасне и до 150 сантиметри.
Латинското име на растението се однесува на неговите лековити својства. Имено, бел слез припаѓа на родот Althaea, чие име доаѓа од зборовите althainein (лечи) и althos (медицински агенс).
Најлековитиот дел од бел слез е неговиот корен од кој се прави чај. Овој пијалок со векови се користи како средство за смирување на болки во грлото, а помага и за последиците од бронхитис и разни белодробни заболувања.
Студија од 2019 година покажа дека коренот на бел слез може да понуди брзо олеснување за симптомите поврзани со респираторните состојби.
Тоа е затоа што коренот на бел слез помага да се изгради заштитна обвивка што ја обложува слузницата на устата и грлото, со што се намалува иритацијата и отокот.
Може да ги намали и симптомите на сува и иритирачка кашлица. Неговиот корен ја олабавува насобраната слуз во носот, грлото и белите дробови за полесно да ја кашлате.
Поради оваа причина, чајот од бел слез се препорачува како природен лек за болки во грлото, пишува порталот Крени Здраво, кој дава и рецепт.
