Страшни крикови и плачење од загробниот живот, само некои од гласините кои се поврзуваат со несреќниот Пентедатило, италијански град на духови сместен на крајниот југ на Калабрија, кој последниот удар го доби од големиот земјотрес. Населението во карпите на крајот на градот ги напуштило своите домови во 1960-те, но мистичната атмосфера таму и денес живее, пишува Punkufer.
Легенда за трагична љубов
Една од легендите го поврзува градот со несреќен настан кој се раскажува во различни верзии, но основната содржина останува иста. Легендата спомнува две благороднички фамилии – Алберти и Абераволи.
Втората живеела во соседниот Монтебело Јонику. Како што често се случува кај соседи, фамилиите не се согласувале. Се спореле години наназад за границите на земјиштето, а љубовта само го влошила конфликтот.
Баронот Бернардо Абераволи се заљубил во Антониета Алберти и помислил дека нивниот брак би можел да ги смири семејствата.
Но, братот на Антониета, Лоренцо, ја ветил нејзината рака на друг, што го излудило баронот. Тој со група вооружени луѓе упаднал во дворот. Конфликтот не завршил добро, а страшниот настан познат е како „колежот на фамилијата Алберти“. Баронот побегнал, најпрво на Малта, потоа во Виена, каде што завршил како војник во австриската војска, а потоа бил убиен. Антониета се повлекла во манастир.
Местните жители тврделе дека крвавиот отисок на раката на Лоренцо Алберти можел да се види на ѕидот на дворот се до минатиот век.
Каде да престојувате во овој град?
Денес Пентедатило е напуштено село што го посетуваат туристи и го истражуваат неговите напуштени улици и цркви. За време на летото, тука се одржува и Меѓународниот фестивал за краткометражен филм Пентедатило.
Во близина на напуштениот град се изнајмуваат неколку кревети, а постои и агротуризам каде што можете да ја пробате калабријската кујна.
