Реткото прво издание на книгата за Хари Потер, купена за 30 пени, продадена е за 10.500 фунти на аукција. Книгата „Хари Потер и Каменот на мудроста“ во првото издание била испечатена во само 500 примероци, а овој примерок бил купен од колекционер од Стафордшир кој почина на почетокот на оваа година.
Победничката понуда била доставена преку интернет од купувач од Лос Анџелес, рече аукционерот Ричард Винтертон од Личфилд.
„Ние сме апсолутно воодушевени од овој резултат“, додаде тој.
Книгата, објавена во 1997 година, беше една од 300-те испратени во библиотеките и беше купена од библиотеката Вулверхемптон од страна на човекот кој живееше во Бурнтвуд.
Неговото семејство рече дека знаело дека тој набавил вредна книга за Хари Потер, но мислеле дека исчезнала.цКога се преселил пред четири години, сите негови книги влегле во „стотина кутии“, рече неговата сестра, која побара да остане анонимна.
„Знаевме дека ја има книгата, но не можеше точно да посочи каде е“, додаде таа.
Таа додаде дека нејзиниот брат имал страст за книги уште од кога почнал да чита. Сопственикот починал неочекувано на 55-годишна возраст, а книгата на крајот била пронајдена откако тим од аукционерите Ричард Винтертон поминал низ неговите работи.
Извор: BBC
