Најсовременото кино ќе ги следи реакциите на публиката „како никогаш досега“. Според информациите киното Instrumented Auditorium ќе се отвори во Бристол во 2024 година. Киното со 36 седишта ќе биде отворено во креативниот центар MyWorld во Сент Филипс, со помош на грант од 400.000 фунти од Фондацијата Волфсон.
Иан Гилкрист, професор по невропсихологија на Универзитетот во Бристол, рече дека тоа ќе обезбеди „уникатен увид“ во создавањето содржина. Ќе биде опремено со најсовремена опрема за снимање на податоци за тоа како публиката реагира на содржината што ја гледа и слуша. Освен што ќе го следат нивниот пулс, движењата на очите и активноста на мозокот, а истражувачите ќе ги разгледаат и електричните својства на кожата на луѓето како би можеле да ги „мерат“ нивните потсвесни емоционални реакции.
„Инструментираната публика ќе ни овозможи да пренесуваме податоци што ги доловуваат одговорите на публиката од момент во момент, обезбедувајќи уникатни сознанија кои нè одведуваат многу подалеку од сегашните методи засновани на прашалници. Ова е првиот целосно инструментален објект од ваков вид во светот, кој е возбудлив не само за нас како истражувачи, туку и за оние кои работат во креативниот сектор, обезбедувајќи увид кои ќе ја обликуваат иднината на филмот, телевизијата и пошироко“, смета професорот Гилкрист.
MyWorld е центар за креативни технолошки истражувања и иновации, управуван од Универзитетот во Бристол во партнерство со 12 други организации, вклучително и Би-Би-Си.
Извор: bbc.com
