Кина денеска објави нови ограничувања за извоз на ретки минерали, клучни за многу високотехнолошки и воени производи. Според прописите објавени од Министерството за трговија, странските компании ќе треба да добијат посебно одобрение за извоз на производи што содржат дури и траги од ретки минерали со потекло од Кина.
Пекинг, исто така, ќе воведе барања за лиценцирање за извоз на технологии поврзани со рударство, топење, рециклирање и производство на магнети.
Кина ќе воведе барања за лиценцирање на извоз на технологии поврзани со рударство, топење, рециклирање и производство на магнети.
Ретките минерали се неопходни за широк спектар на производи, од млазни мотори, радарски системи и електрични возила до потрошувачка електроника, меѓу кои и лаптопи и мобилни телефони.
Кина учествува со речиси 70 проценти во светското рударство на ретки минерали и руди и контролира околу 90 проценти од глобалната преработка. Пристапот до вакви материјали е клучна точка на спор во трговските разговори помеѓу Вашингтон и Пекинг.
Откако американскиот претседател Доналд Трамп ги зголеми царините за увоз на многу кинески производи, Пекинг го удвои својот притисок врз стратешки важните минерали, предизвикувајќи загриженост за потенцијален недостиг за производителите во САД и во други земји.
