Yum Brands објави дека седиштето на KFC ќе биде преместено од Луисвил во Плано, но дека KFC сепак ќе одржува некои операции во Кентаки. Се огласи и гувернерот на Кентаки, Енди Бешеар. „Разочаран сум од оваа одлука и верувам дека ќе биде и основачот на компанијата“, изјави тој.
Во последниве години, многу компании се преселија во Тексас, привлечени од пониски даноци и деловни услови. Одлуката на Yum Brands е дел од планот да има две седишта за нејзините големи брендови. KFC и Pizza Hut ќе бидат во Плано, додека Taco Bell и Habit Burger & Grill ќе останат во Ирвин, Калифорнија.
Дејвид Гибс, извршен директор на Yum Brands, рече; Овие промени не позиционираат за одржлив раст и ќе ни помогнат подобро да им служиме на нашите клиенти, вработени, франшизи и акционери“.
Сепак, Бешеар не го крие своето незадоволство. „Името на оваа компанија започнува со Кентаки и го промовираше наследството и културата на нашата држава во продажбата на своите производи“, нагласи тој.
Историјата на KFC во Кентаки датира од 1930-тите, кога неговиот основач, полковникот Харланд Сандерс, почна да продава пржено пилешко во Корбин. Денес, лицето на Сандерс е во витрините на повеќе од 24.000 KFC ресторани во над 145 земји и територии низ светот.
Од пандемијата, многу американски компании ги преместија своите централи. Според извештајот на фирмата за услуги за недвижнини CBRE, Остин и другите градови во Тексас биле особено успешни благодарение на деловното опкружување во Тексас.
