„Господарот на прстените“ е филмска серија со најголема заработка на сите времиња – 2,9 милијарди долари ширум светот. Но, според актерката Кејт Бланшет, тоа не значи дека и сите актери заработиле добро глумејќи во филмската трилогија на Питер Џексон.
Запрашана од кој филм најмногу заработила, водителот Енди Коен во емисијата „Гледајте што се случува во живо“, претпостави дека тоа било за нејзината улога во „Господарот на прстените“, на што Бланшет брзо се спротивстави.
„Дали се шегуваш? Не, никој ништо не е платен за да се сними тој филм“ одговори Бланшет и додаде дека нема дел од заработката на филмот кој се делел со актерите.
„Сакав да работам со човекот кој го сними ‘Braindead’“ изјави Бланшет, мислејќи на Џексон и неговата зомби-комедија од 1992 година, која е објавена како „Dead Alive“ во Северна Америка.
Бланшет ја глумеше Галадриел во трите филмови „Господарот на прстените“ и ја повтори нејзината улога во трилогијата „Хобит“. Таа не е единствената ѕвезда од овој серијал која јавно зборува за малата заработка со глумењето на овој филм.
Во интервју од 2019 година и Орландо Блум, кој го глуми Леголас, рече дека бил платен само 175 илјади долари за сите три филмови.
„Во основа, добив бесплатни сендвичи и морав да ги чувам елфовските уши“ рече Бланшет и додаде дека жените не се толку платени колку што останатите мислат дека се.
