Доктор Сашко Кедев го искачи врвот Kanchenjunga (8,586m), третиот највисок врв на светот. Познатиот македонски кардиолог и алпинист беше дел од 10-члената група на Imagine Nepal, која на 23 мај го искачи овој врв, објави на Х поранешната министерка за култура Ганка Цветанова.
На Кедев му остана уште врвот Gasherbrum-I, за да ги комплетира сите 14 таканаречени „осумилјадарки“, врвови кои се повисоки од 8.000 метри надморска височина и главно се наоѓаат на Хималаите. Со 13. искачен врв тој е на чекор до магичниот сон да круниса еден неверојатен циклус од страшни подвизи.
Неодамна, на 15 мај, Кедев се искачи на Лоце (8.516 метри), четвртиот највисок врв во светот. Пред само десет дена тој се искачи и на Макалу висок 8.463 метри.
